დაკავება ჩვილის გაყიდვის საქმეზე

სახელმწიფო უსაფრთხოების სამსახურმა ჩვილის ყიდვა-გაყიდვის ბრალდებით სამი პირი დააკავა.  გამოძიებით დგინდება, რომ დუშეთში მცხოვრებ წყვილს, 18 ივნისს ვაჟი შეეძინა. ისინი დაუკავშირდნენ პირს და 5000 დოლარის სანაცვლოდ ბავშვის მიყიდვაზე შეუთანხმდნენ. ეს პირი სამოქალაქო რეესტრში ახალშობილის მამად დარეგისტრირდა და აიღო დაბადების მოწმობა. 5 000 დოლარი კი ახალშობილის მშობლებს გადასცა, რა დროსაც მათი დაკავება მოხდა. გამოძიება, არასრულწლოვნის მიმართ უკანონო გარიგების ფაქტზე მიმდინარეობს, რაც სასჯელის სახით ორიდან ხუთ წლამდე თავისუფლების აღკვეთას ითვალისწინებს. ბავშვი ამ ეტაპზე სახელმწიფო ზრუნვის ქვეშაა გადაყვანილი და როგორც ჯანდაცვის სამინისტროში ამბობენ, მისი ჯანმრთელობის მდგომარეობა დამაკმაყოფილებელია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.