16 სექტემბერს სასწავლო წელი იწყება

16 სექტემბერს საჯარო და კერძო სკოლებში ახალი სასწავლო წელი იწყება. წელს სულ 55 ათასამდე პირველკლასელია დარეგისტრირებული. ისინი სამინისტროსგან საჩუქრად „ბუქებს“ და იაკობ გოგებაშვილის „დედა ენის“ რედაქტირებულ ვერსიას მიიღებენ. განათლების სამინისტრო ახალ სასწავლო წელს ჩატარებული ინფრასტრუქტურული პროექტებით ხვდება. 800-მდე სკოლაში ნაწილობრივი სარეაბილიტაციო სამუშაოები ჩატარდა. სრულად რეაბილიტირდა 40-მდე საჯარო სკოლა და აშენდა ხუთი ახალი სკოლა. სამინისტროში ამბობენ, რომ ხვალ თბილისში ევროკომისარი იოჰანეს ჰანი ჩამოდის, რომელიც ევროპული სკოლის მშენებლობას ჩაუყრის საფუძველს. ეს იქნება პირველი სკოლა, რომელიც ევროკავშირის წევრი ქვეყნების გარეთ აშენდება ევროკავშირის დახმარებით. სკოლა ფუნქციონირებას 2023 წელს დაიწყებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.