ზუგდიდი - მაგანა დო ჩხოუშია - გოგი შონია

https://www.facebook.com/megrelianlan... - შემოგვიერთდით მეგრული ენის გვერდზე! ზუგიდი მარდუ ქალაქი რე, იფართანებ დღაშე– დღაშა კუჩხი ოდიშის უბიჯგ დო დუდი მიკუბიჯ მუნაფაშა, აურე სნწას ქიმკუნჭირ დო ეურე მიდართ ჭითაწყარშა, ნარაზენშა ოჭიში მიკუძ, ბრელი ვემეუძ ყულიშკარშა, რუხი კისერც გიობუ დო ნაწულუკუს ოხუტოლ, დახე ოდიში გიშელ დო კორცხელი გოჯუნ–გოღურჯოლ, კუჩხობონ გეგნოზგენჯ , ჯოღეჯიანი დოჩაბახუ, განარჯიაში მუხურც დო ანარკიას ქიგნაძახ. შქა ასფალტის წყარი ეშახორცქ,“დუხოი მუზკა“ ახოლანც, მანცხვარ–კარიში ხატიში სნთე, დუცუ მუნაბარჩხალანც, ირდუქ, ირდუქ ჩქიმი ქალაქი, ჩქიმი ოდაბადეში გური, სქანი გალუაფარი ჩქიმ დუდი დო სქანი შესაწირი ჩქიმი შური1 აურე სი რე გურც მიხარე, ეურე დმაჭუ შურ დო გურქ, გვალო დიხაშა მითილ, ჩხოუშია უბედურქ , ქართის მტკვარი დო ქუთეშის, რიონი გუშურც, არგოში შარა, წენდიხას, წენწყარი მოხორცქ, სქურიში გვალაში ნაშაყარა, სი მუ გოჭირ ჩხოუშია, სით შხვაზმა გიღუ ხანი, ვართი სიტომბა მერჩამუ დო ვართი სიგრძა დო ხანი, თაში მუქუ რე დგალუ დო თაში მუქუ რე დგაკოკუ, მიში ჩხოუქუ ეშარხუპუ დო მიში ჯოღორქ ეშარლოკ, ღორონთი ნარტი გემიონი, სქანწკმა მიღუ თხუალა: ჩხოუშიაში გოძინა დო ზუგუდიში რდუალა! ჭიჭე ფარა ქომჩასნი, ვართი მითინც მოუშიშა: ჯვარც მაგანას ეუკუნა დო დუც ქუნწყუა ჩხოუშიშა, ჟირი ხოლო წკონდა წყარი, წყურგილე დო ინჭაცალო, ართი ლოგინშა მივაშქვათ, მოჭყუდუ დო სინჯაცალო, წყარი მალ დო წყარ–მარჩხის, ირფელი მეურც მუშით, ანარკიას გეკობღვილ, ჩქიმი ჭკარდუაშური ნ შით, ღორონთი მალას ქომუჩანც, ფარაში ეფშა კალათის, ჩხოუშიას გუოფშა დო გოფხვარჩალა ქალაქის!