შს მინისტრის მოადგილემ ოზურგეთში პროექტი „უსაფრთხო ქალაქი“ გააცნო საზოგადოებას

ქალაქ ოზურგეთის დემოკრატიული ჩართულობის ცენტრში სამოქალაქო საზოგადოებასა შსს წარმომადგენლებს შორის შეხვედრა გაიმართა. მინისტრის მოადგილემ შსს ადმინისტრაციისა და გენერალური ინსპექციის წარმომადგენლებთან ერთად მოქალაქეებს პროექტ „უსაფრთხო ქალაქის“ ფარგლებში დანაშაულის პრევენციის, დანაშაულთან ბრძოლის, კანონის უზენაესობის, ადამიანის უფლებების დაცვის და სამინისტროს მიერ გაწეული სამუშაოს, ასევე მიმდინარე და დაგეგმილი რეფორმების შესახებ ამომწურავი ინფორმაცია მიაწოდა და შეკითხვებს უპასუხა. შეხვედრას, რომელიც ორი საათის განმავლობაში გრძელდებოდა, ადგილობრივი არასამთავრობო ორგანიზაციების, მედიის და ადგილობრივი თვითთმმართველობის წარმომადგენლები ესწრებოდნენ. პროექტის ფარგლებში შეხვედრები საზოგადოებასთან საქართველოს კიდევ ცხრა ქალაქში ჩატარდება, რაც ხელს შეუწყობს მოქალაქეთა მონაწილეობას მმართველობის პროცესში და შინაგან საქმეთა სამინისტროს საქმიანობის საზოგადოებაში ინფორმირებულობის ამაღლებას, ასევე დანაშაულის პრევენციას და თემისთვის აქტუალურ საკითხებზე რეაგირებას. შინაგან საქმეთა მინისტრის მოადგილე ქ. ოზურგეთში „ახალგაზრდა პედაგოგთა კავშირის“ ოფისში ლიდერთა სკოლის მოსწავლეებს შეხვდა და დისკუსია გამართა. ახალგაზრდებმა სამინისტროს წარმომადგენლებს სამოქალაქო აქტივიზმის, მოხალისეობის და რეგიონის განვითარების შესახებ საკუთარი პროექტები და მოსაზრებები გააცნეს. სიახლის სრულად სანახავად გადადით შემდეგ ლინკზე : http://goo.gl/RDQkYr