თურქეთი საკუთარ მოქალაქეებს აფრთხილებს

თურქეთი აშშ-სა და ევროპის ქვეყნებში მოგზაურობის მსურველ მოქალაქეებს აფრთხილებს, თავი აარიდონ დემონსტრაციებს. მიზეზად „უცხოელების მიმართ მზარდი ინციდენტები, რასისტული თავდასხმები და რელიგიური შეუწყნარებლობა სახელდება“, რის მაგალითადაც მოყვანილია აშშ-ის ქალაქებში საპროტესტო აქციები, რომლებიც პოლიციის მიერ ძალადობის შედეგად დაღუპული ტაირ ნიკოლსის შემთხვევას მოყვა. „შემჩნეულია, რომ ბოლო პერიოდში აშშ-ის მთელ ტერიტორიაზე ადგილი ჰქონდა სიტყვიერ და ფიზიკურ თავდასხმებს უცხოელების მიმართ რასისტულ ნიადაგზე“, – ნათქვამია გავრცელებულ ინფორმაციაში. კიდევ ერთ განცხადებაში კი სამინისტრო ევროპის ზოგიერთ ქალაქში მზარდ „ანტიისლამურ, ქსენოფობიურ და რასისტულ ქმედებებზე, ასევე ტერორისტულ ორგანიზაციებთან აფილირებული ჯგუფების მიერ თურქეთის წინააღმდეგ პროპაგანდისტულ დემონსტრაციებზე“ ამახვილებს ყურადღებას. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.