მესტიაში ხანძრის კერების ლიკვიდაცია მიმდინარეობს

14.08.2017 00:35

Radio Atinati

არხი

მესტიაში, ბანგურიანის მთაზე ამ წუთებში ხანძრის კერების ლიკვიდაცია მიმდინარეობს. ადგილზე რჩება სასაზღვრო პოლიციის ვერტმფენიც. მესტიის მუნიციპალიტეტის გამგებლის კაპიტონ ჟორჟოლიანის ინფორმაციით, ადგილზე მეხანძრე-მაშველები მუშაობენ. „საჭიროების შემთხვევაში, სალიკვიდაციო სამუშაოებში ვერტფრენიც ჩაერთვება“, - უთხრა რადიო „ათინათს“ ჟორჟოლიანმა. საგანგებო სიტუაციათა მართვის სააგენტოს ცნობით, ხანძარი ბანგურიანის მთაზე, დაახლოებით, 2 ჰა-მდე ფართობზე იყო გავრცელებული. ამწვარია ბალახები, ბუჩქნარი, ტყის ქვედა საფარი. ხანძრის ღია კერები ჩამქრალია. წყების ცნობით, რთული რელიეფური პირობების გამო სპეციალური ტექნიკის სტიქიის ზონაში შეყვანა ვერ ხერხდებოდა, რის გამოც სასაზღვრო პოლიციის ვერტმფრენის გამოძახება გახდა საჭირო. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/

გაზიარება: