მესტიაში ხანძრის ჩასაქრობად ვერტმფრენს ამ დრომდე ელოდებიან

13.08.2017 00:25

Radio Atinati

არხი

მესტიაში, ბაგურიანის მთაზე ტყის მასივისთვის გაჩენილი ხანძრის ჩასაქრობად სასაზღვრო პოლიციის ვერტმფრენს ამ დრომდე ელოდებიან. საგანგებო სიტუაციათა მართვის სააგენტოში აცხადებენ, რომ ურთულესი რელიეფის გამო ცეცხლის ჩაქრობა ძნელდება. "ფაქტობრივად, ვერ ვახერხებთ სპეციალური ტექნიკის შეყვანას ხანძრის ტერიტორიის მიმდებარედ. ჩვენთან შეყობინება დღეს შემოვიდა და სახანძრო-სამაშველოს სამსახურის წარმომადგენლები მაშინვე გავიდნენ ადგილზე", - უთხრეს რადიო "ათინათს" უწყების პრესსამსახურში. მესტიის მუნიციპალიტეტის გამგებლის, კაპიტონ ჟორჟოლიანის ინფორმაციით, ცეცხლი, სავარაუდოდ, წუხელ გაჩნდა, დილითან კი 500 კვადრატულ მეტრ ფართობზე გავრცელდა. ხანძრის გამომწვევი მიზეზები, ჯერჯერობით, უცნობია. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/

გაზიარება: