COVID-19 - ვითარება რეგიონში

თურქეთში გასული 24 საათის განმავლობაში კოვიდ-19-ის 1492 ახალი შემთხვევა გამოვლინდა. გარდაცვლილია 24 პაციენტი. კოვიდინფიცირებულთა საერთო ოდენობა 191 ათასს აღემატება. მათი უმეტესობა, 164 ათასზე მეტი ადამიანი, ვირუსისგან უკვე განიკურნა. ინტენსიური თერაპიის განყოფილებაში ამ დრომდე რჩება 900-მდე პაციენტი.  სომხეთში გასული 24 საათის განმავლობაში, კოვიდ-19-ის რეკორდულად მაღალი, 771 ახალი შემთხვევა და გარდაცვალების 12 ფაქტი დაფიქსირდა.  25 ივნისის მდგომარეობით, ქვეყანაში აღრიცხულია 22 488 კოვიდინიფიცირებული. მათგან 10 ათასზე მეტი ამ დრომდე მკურნალობას გადის. ვირუსს სულ 397 ადამიანი ემსხვერპლა. კიდევ 131 ინფიცირებული სხვა დაავადებით გარდაიცვალა. 590-ით გაიზარდა აზერბაიჯანში კოვიდინფიცირებულთა რიცხვი  და 14 305-ს მიაღწია. გასული დღე-ღამის განმავლობაში, ვირუსს შვიდი პაციენტი ემსხვერპლა, რითაც გარდაცვლილთა საერთო ოდენობამ 174 შეადგინა. ინფიცირებულთა ნახევარმა ვირუსი უკვე დაძლია,  6 000-მდე ადამიანი კი მკურნალობას ამ დრომდე განაგრძობს. რაც შეეხება რუსეთს, ქვეყანას 610 000-მდე კოვიდინფიცირებული და 8500-ზე მეტი გარდაცვლილი ჰყავს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.