ეუთო-ს დასკვნა - პოლიტიკური შეფასებები

10.01.2020 05:29

პირველი არხი Georgian Public Broadcaster

არხი

პოლიტიკური სპექტრი ამჯერად „ოდირის“ ახალი ანგარიშის შინაარსზე ვერ თანხმდება. მმართველი გუნდი და ოპოზიცია სხვადასხვა გზავნილს ხედავს დოკუმენტში, სადაც ეუთო-ს დემოკრატიული ინსტიტუტებისა და ადამინის უფლებათა ოფისი უზენაესი სასამართლოს მოსამართლეების შერჩევის პროცესს აფასებს. ორგანიზაცია ჯერ იუსტიციის საბჭოში და შემდეგ პარლამენტში კანდიდატებთან გამართულ გასაუბრებას ღიად და გამჭვირვალედ მიიჩნევს, თუმცა მიუთითებს ხარვეზებზეც. ანგარიშის ავტორების აზრით, პროცესი პოლიტიკური მიკერძოებისგან დაცლილი არ იყო. ორგანიზაცია ყურადღებას ამახვილებს იმ ფაქტზეც, რომ დაძაბული პოლიტიკური ვითარების და ოპოზიციის მოთხოვნის მიუხედავად, კანდიდატების საკითხის კენჭისყრა მაინც არ გადაიდო. დაკსვნის გარკვეული ნაწილის მიმართ მმართველ გუნდს შენიშვნები აქვს. არ არის გამორიცხული, რომ პარლამენტის იურიდიულმა კომიტეტმა ანგარიშს წერილობით უპასუხოს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: