პროექტი „ცოცხალი წიგნები“ მარნეულში

26 აპრილს, საქართველოს კულტურისა და ძეგლთა დაცვის სამინისტროს მხარდაჭერით მარნეულის მუნიციპალიტეტის გამგეობაში ლიტერატურული-საგანმანათლებლო პროექტის „ცოცხალი წიგნები“-ს ფარგლებში მარნეულელ ახალგაზდებთან შეხვედრა მოეწყო. შეხვედრას ესწრებოდნენ ახალგაზრდა, თანამედროვე პოეტები, მწერლები, მარნეულის მუნიციპალიტეტის ხელმძღვანელი პირები, თანამშრომლები და ადგილობრივი ახალგაზრდები. საუბარი შეეხო, თანამედროვე ლიტერატურას, მის გარშემო აქტუალურ საკითხებსა და ახალგაზრდებში ლიტერატურის პოპულარიზაციის მნიშვნელობას. შეხვედრის მიზანს, ლიტერატურით დაინტერესებული ადამიანებისთვის თანამედროვე პოეტებისა და მწერლების გაცნობა, მათი ნაშრომებისა და ზოგადად თანამედროვე ლიტერატურის პოპულარიზაცია წარმოადგენდა. აღსანიშნავია, რომ „ცოცხალი წიგნები“ საქართველოს კულტურისა და ძეგლთა დაცვის სამინისტროს ლიტერატურულ-საგანმანათლებლო პროექტია და გულისხმობს საქართველოს სხვადასხვა რეგიონის, სოფლებისა და ქალაქების საჯარო სკოლებში, ბიბლიოთეკებში, მუზეუმებში, კულტურის სახლებსა და სხვა საჯარო დაწესებულებებში თანამედროვე მწერლების სტუმრობას და მკითხველთან შეხვედრას. რეგიონებში ვიზიტის პერიოდში, მწერლები აწარმოებენ დღიურებს და ჩანაწერებს, რომლის მიხედვითაც, პროექტის დასრულების შემდეგ გამოიცემა წიგნი „მწერლის დღიურები“. ვრცლად იხილეთ: http://www.marneuli.gov.ge/…/1065-%E1...%…