ოკუპაციის მემორიალი დაზიანებულია

ოკუპაციის მსხვერპლთა ხსოვნის მემორიალის ავტორი, ირაკლი წულაძე მემორიალის დაზიანებასთან დაკავშირებით საუბრობს, ის აცხადებს, რომ მემორიალის დაზიანება ყოვლად მიუღებელი ფაქტია. მისი თქმით, ნამუშევრის დაზიანებისთანავე თბილისის მერიასთან კომუნიკაცია შედგა და განიხილეს დეტალები მის აღდგენასთან დაკავშირებით. კრწანისის რაიონში ოკუპაციის მსხვერპლთა ხსოვნის მემორიალი 5 მარტს დააზიანეს. მემორიალის დაზიანების ფაქტზე შინაგან საქმეთა სამინისტრომ გამოძიება სისხლის სამართლის კოდექსის 187-ე მუხლით დაიწყო, რაც სხვისი ნივთის დაზიანებას ან განადგურებას გულისხმობს. ოკუპაციის მსხვერპლთა სახელობის პარკში ოკუპაციის მსხვერპლთა ხსოვნის მემორიალი მიმდინარე წლის იანვარში დაიდგა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.