ხადას ხეობაში მომხდარი მკვლელობის საქმე

ხადას ხეობაში მომხდარი მკვლელობის საქმეზე ბრალდების მხარემ მტკიცებულებების გამოკვლევა დაასრულა. ამის, შესახებ განცხადება გენერალურმა პროკურატურამ დღეს გაავრცელა. როგორც განცხადებაშია ნათქვამი, სასამართლო პროცესზე პროკურორებმა 40-მდე მოწმე დაკითხეს და საქმის გარემოებების დასადგენად საჭირო ყველა წერილობითი და ნივთიერი მტკიცებულება გამოიკვლიეს. საპირისპიროს ამტკიცებს დაცვის მხარე. დღეს გამართულ პრესკონფერენციაზე ბრალდებულის ადვოკატები აცხადებდნენ, რომ პროკურატურამ მტკიცებულებების 95% საქმიდან გაიტანა და 100-მდე მოწმეზე უარი თქვა. პროცესი გორის რაიონულს სასამართლოში დაცვის მხარის მტკიცებულებების გამოკვლევით გაგრძელდება. სასამართლოს გადაწყვეტილებით, მხარეები დასკვნით სიტყვებს 25 მარტს წარადგენენ, რის შემდეგაც ნაფიცი მსაჯულები გავლენ სათათბირო ოთახში ვერდიქტის მისაღებად. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.