განახლებული რეგიონების პროგრამის მიმდინარეობა გარდაბანში

საქართველოს პრემიერ-მინისტრის, ირაკლი ღარიბაშვილის ინიციატივით დაწყებული "განახლებული რეგიონების" სახელმწიფო პროგრამა გარდაბნის მუნიციპალიტეტში აქტიურად მიმდინარეობს. ინფრასტრუქტურული სამუშაოები ქვემო ქართლში სახელმწიფო რწმუნებულმა, გიორგი დოხტურიშვილმა და მუნიციპალური განვითარების ფონდის აღმასრულებელი დირექტორის პირველმა მოადგილემ, გიორგი ციბაძემ ადგილობრივი ხელისუფლების ხელმძღვანელ პირებთან ერთად დაათვალიერეს. პროექტის ფარგლებში, ქალაქ გარდაბანში, აღმაშენებლის გამზირზე მდებარე კორპუსების ფასადების რეაბილიტაცია ხორციელდება. დაგეგმილია მიმდებარე ტერიტორიაზე რეკრეაციული სივრცეების მოწყობაც. აღსანიშნავია, რომ „განახლებული რეგიონების“ სახელმწიფო პროგრამა აქტიურ ფაზაში გადავიდა და ქვემო ქართლის შვიდივე მუნიციპალიტეტში რეალური სამუშაოების განხორციელება უკვე დაწყებულია. 4-წლიანი პროგრამა საქართველოს 63 მუნიციპალიტეტს მოიცავს და მისი მხოლოდ პირველი ეტაპის საორიენტაციო ღირებულება 500 მილიონი ლარია, რომელიც რეგიონების ურბანულ განახლებას, ასევე, სახელმწიფოს, მუნიციპალიტეტის და კერძო საკუთრებაში არსებული მნიშვნელოვანი ობიექტის განვითარებას გულისხმობს. #ინფრასტრუქტურა2021 #განახლებულირეგიონები2021 #ქვემოქართლი2021 #გარდაბანი2021