„New York Voices“ - ვორკშოპი ქართველი ვოკალისტებისთვის

16 დეკემბერს, “Event Hall”-ში მსოფლიოში ნომერ პირველი, აკაპელას ჟანრში მოღვაწე „New-York Voices”-ის წევრებმა ქართველი ვოკალისტებისთვის ვორკშოპი ჩაატარეს. ჯგუფის წევრებმა საკუთარი გამოცდილების შესახებ, სოლო და გუნდურ შესრულებას შორის განსხვავებასა და ჯაზის ტექნიკურ, რითმულ და ჰარმონიულ შესრულებაზე ისაუბრეს. შეხვედრის დროს გაიმართა დისკუსიაც. საქართველოს კულტურისა და ძეგლთა დაცვის სამინისტროს მხარდაჭერით, „New York Voices“ საქველმოქმედო კონცერტს თბილისის სიმფონიურ ორკესტრთან ერთად 17 დეკემბერს გამართავს. ერთობლივ კონცერტს ვახტანგ კახიძე უდირიჟორებს. საახალწლო საქველმოქმედო საღამოს მხარდამჭერები ასევე აშშ-ის საელჩო საქართველოში და საქართველოს სოლიდარობის ფონდია. კონცერტი საქველმოქმედოა - შემოსული თანხა სრულად გადაირიცხება "საქართველოს სოლიდარობის ფონდში" და მოხმარდება ონკოლოგიური დაავადებების მქონე 21 წლამდე პაციენტების მკურნალობას. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045