ზუგდიდის ცენტრში მიმდინარე მშენებლობაზე საკრებულოს წევრი განმარტებებს ითხოვს

06.03.2017 00:35

Radio Atinati

არხი

ზუგდიდის ცენტრში კინოთეატრ „ატრიუმის“ შენობის გვერდით მიმდინარე სამშენებლო სამუშაოებზე ოპოზიციური პარტიის წევრები განმარტებებს ითხოვენ. ანა წითლიძის თქმით, მშენებლობის ადგილას არ არის საინფორმაციო ბანერი. მისივე ცნობით, მუშების ინფორმაციით, აღნიშნულ ტერიტორიაზე საოფისე ფართები შენდება. „ეს არის ქალაქის იერსახის დამახინჯება. ჩვენ მოვითხოვთ, ქალაქის არქიტექტურის სამსახურის უფროსი და სადარბაზოს ამხანაგობა მოვიდეს შემდეგ სხდომაზე და ჩვენს კითხვებს გასცენ პასუხი“, - განაცხადა წითლიძემ. მშენებლობის შესახებ ინფორმაციას არ ფლობენ საკრებულოს სხვა წევრები. ქალაქ ზუგდიდის მერიის პრესსამსახურის უფროსოს მაია ღუბელაძის ინფორმაციით, მშენებლობის ნებართვა მერიამ გასცა, თუმცა, რადიო „ათინათის“ კითხვაზე, ვინ აწარმოებს სამშენებლო სამუშაობს, ღუბელაძემ პასუხი არ გაგვცა და ინფორმაციის წერილობითი გამოთხოვა გვირჩია. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/

გაზიარება: