აქცია „სირცხვილია“ 14 სექტემბერს ზუგდიდშიც გაიმართება

ორგანიზაცია „სირცხვილიას“ ერთ-ერთი წევრის გიგა მაქარაშვილის თქმით, აქციაზე მოქალაქეები დღევანდელ რეჟიმს გააპროტესტებენ. „ვფიქრობთ, რომ საქართველოს ყველა მსხვილ ქალაქში ჩავალთ და ჩავატარებთ პატრა აქციებს. ეს აქციები აუცილებლად ინება გადაცემული პირდაპირ ეთერში. ზუგდიდში 14 სექტემბერს შედგება ეს აქცია. იქნებიან თბილისიდან ჩამოსულებიც, ორგანიზაცია "სირცხვილიას" წევრებიც, მაგრამ მთავარი ბირთვი იქნება ადგილობრივი მოსახლეობა, ვინც თვლის, რომ მართლა სირცხვილია, ამ რეჟიმში ცხოვრება“,- აღნიშნა მაქარაშვილი. დღესვე „სირცხვილიას“ წევრებმა და „ევროპული საქართველოს“ წარმომადგენლებმა მეორე საჯარო სკოლის მიმდებარედ სტიკერები გააკრეს, რითაც ისინი მოქალაქეებს 20 სექტემბერს რუსთაველის გამზირზე დაგეგმილ აქციაში მონაწილეობისკენ მოუწოდებენ. „ევროპული საქართველოს“ წევრის ელენე ხოშტარიას თქმით, ეს არ არის ერთ ქალაქის საკითხი და პროტესტმა მთელი ქვეყანა უნდა მოიცვას. “ყველაზე მნიშვნლოვანი რაც ხდება რუსთაველზე 20 ივნისიდან მოყოლებული, ეს არ არის თბილისის და რუსთველის საკითხი. ეს არის მთელი საქართველოს საკითხი, იმიტომ რომ მთელს საქართველოში სირცხვილია. ამიტომ ძალიან მნიშვნელოვანია რეგიონებში სიარული. ეს არ არის პარტიული კუთვნილება, ან რომელიმე რეგიონის კუთვნილება. საქართველოს მომავალი არის დამოკიდებული იმაზე თუ, რამდენად აქტიურები იქნებიან მოქალაქეები დღეს“, - თქვა ხოშტარიამ. მისივე ინფორმაცით, მსგავსი შინაარსის სტიკერები გუშინაც გააკრეს, თუმცა ხელისუფლებამ ისინი მალევე ჩამოხსნა. „გუშინ ადგილობრივ აქტივისტებთან ერთად გავაკარით სტიკერები და ხელისუფლებამ სასწრაფოდ ჩამოხია, იმიტომ რომ მათ ეშინიათ 20 სექტემბერს დიდი, მასობრივი პროტესტის, რომელიც აუცილებლად იქნება. ასევე პროტესტი იქნება ყველა რეგიონში“, - ამბობს ელენე ხოშტარია. ზუგდიდის მერიაში რადიო "ათინათს" უთხრეს, რომ ღობე სადაც სტიკერები გააკრეს კერძო საკუთრებაა და შესაბამისად მათი ჩამოხსნის უფლება არ ჰქონდათ. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI Google+: https://plus.google.com/u/1/ Twitter: https://twitter.com/Atinati1059 Instagram: https://www.instagram.com/radioatinat...