დავით გარეჯის სადაო მონაკვეთზე შეხვედრა დაიგეგმა

საქართველო-აზერბაიჯანის საზღვრის დავით გარეჯის სადაო მონაკვეთზე საექსპერტო ჯგუფების შეხვედრა 19-23 აგვისტოს არის დაგეგმილი. ამის შესახებ საქართველოს საგარეო საქმეთა სამინისტროში განაცხადეს. უწყების ცნობით, სამონასტრო კომპლექსის მიმდებარე ტერიტორიაზე გაზრდილია როგორც აზერბაიჯანელი, ისე ქართველი მესაზღვრეების რაოდენობა, რაც 14 ივლისს მომხდარ ინციდენტს უკავშირდება. უწყებაში აცხადებენ, რომ მხარეები ახლა ვითარების საბოლოო განმუხტვასა და დაწესებული შეზღუდვების მოხსნაზე მუშაობენ. საგარეო საქმეთა სამინისტროს ინფორმაციით, ოფიციალური ბაქო და თბილისი საზღვრის დელიმიტაციის საკითხზე აქტიურად თანამშრომლობენ. ~ ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.