ვითარება დავით გარეჯის მონასტერში

დავით გარეჯის მრავალმთის უდაბნოს მონასტერი ამ დრომდე ჩაკეტილია. აზერბაიჯანელი მესაზღვრეები მისასვლელ ბილიკებთან დგანან და მონასტერთან მისვლის უფლებას არავის აძლევენ. მომლოცველებთან ერთად აკრძალვა ვრცელდება სასულიერო პირებზეც. როგორც სამონასტრო კომპლექსში განმარტავენ, მესაზღვრეებმა ტერიტორია ჯერ კიდევ სამი დღის წინ ჩაკეტეს. ფაქტის შესახებ ინფორმირებულია ყველა შესაბამისი უწყება. კომუნიკაცია შედგა აზერბაიჯანულ მხარესთანაც. ბოლო მონაცემებით, მონასტერთან მისასვლელი გზის გახსნაზე შეთანხმება უკვე მიღწეულია. ეს არ არის პირველი შემთხვევა, როცა მესაზღვრეები მომლოცველებს მსგავს პრობლემას უქმნიან. უდაბნოს მონასტერი საქართველო-აზერბაიჯანის საზღვრის სადავო მონაკვეთზე მდებარეობს. საზღვრის დელიმიტაციის მიზნით ქვეყნებს შორის სპეციალური სამუშაო კომისიებიც არის შექმნილი, თუმცა ბოლო პერიოდში პროცესი შეფერხებული იყო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.