რუსეთის საომარი მოქმედებები უკრაინაში

დაბომბილი „აზოვსტალის“ ტერიტორიიდან ჰუმანიტარული დერეფანი ამ წუთამდე არ გახსნილა. ავიაიერიშის სამიზნე გახდა „აზოვსტალის“ საველე ჰოსპიტალიც, არის მსხვერპლი. როგორ უნდა გამოიყვანონ ქარხნის ქვეშ დამალული მშვიდობიანი მოქალაქეები და დაჭრილი მებრძოლები - საევაკუაციო გეგმის შემუშავებაში გაერო-ს გენერალური მდივანი პირადად არის ჩართული. მოსკოვის შემდეგ გუტიერეში კიევშია ჩასული. დღეს მან ადგილზე ნახა ის სისასტიკე, რომელიც რუსეთმა კიევის ოლქში, ბუჩასა და ბოროდიანკაში გამოავლინა. დონეცკის და ლუგანსკის ოლქებში რუსეთის გაძლიერებული შეტევების ფონზე კიდევ უფრო მწვავდება საერთაშორისო რეაქციები და ძლიერდება ზეწოლა. გერმანიის პარლამენტი უკრაინისთვის მძიმე შეიარაღების მიწოდებას დათანხმდა, ევროპის საბჭოს საპარლამენტო ასამბლეა კი რუსეთის სამხედრო აგრესიის გამო საერთაშორისო ტრიბუნალის შექმნას ითხოვს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.