რუსეთის საომარი მოქმედებები უკრაინაში

უკრაინას რუსეთი ღამით შვიდი „შაჰიდის“ ტიპის უპილოტო საფრენი აპარატით დაესხა თავს. უკრაინის შეიარაღებულმა ძალებმა ხუთის ჩამოგდება მოახერხეს. აფეთქებები იყო დნეპროპეტროვსკისა და ხარკოვის რეგიონებში. ამასთან, ომის შემსწავლელი ინსტიტუტის ცნობით, რუსმა ჯარებმა გარკვეულ წარმატებას მიაღწიეს ავდეევკას მიმართულებით. გარდა ამისა, მედიის ცნობით, რუსეთის ჯარებმა განაგრძეს შეტევითი ოპერაციები ბახმუტთან და დაწინაურდნენ. უკრაინის გენერალური შტაბის ინფორმაციით, უკრაინული ჯარები აგრძელებენ თავდასხმას ბახმუტის სამხრეთით. უკრაინის პრეზიდენტმა ყოველდღიური მიმართვისას განაცხადა, რომ ამ კვირაში სხვა საკითხებთან ერთად, უმაღლესი რადა კენჭს უყრის გადაწყვეტილებას, თუ რა უნდა გააკეთოს უკრაინამ ევროკავშირთან მოლაპარაკებების დაწყების მოსამზადებლად. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.