სერგი კაპანაძის განცხადება

„ევროპული საქართველო“ „აი დი ეფ აი“-ს კვლევას ეხმაურება. სერგი კაპანაძის განცხადებით, კვლევის თანახმად, სამინისტროებსა და სსიპ-ებში შტატგარეშე თანამშრომელთა ანაზღაურებაზე გაწეული ხარჯები ყოველწლიურად საშუალოდ 12%-ით იზრდება. მისი თქმით, საჭიროა, რადიკალურად შემცირდეს სამთავრობო ხარჯი და თანხა მოსახლეობის სოციალური მდგომარეობის გაუმჯობესებისთვის ან „კოვიდ-19“-თან ბრძოლისთვის იყოს გამოყენებული. კაპანაძის განცხადებით, „ევროპული საქართველოს“ გეგმაა, ბიუროკრატიული ხარჯების 2 მილიარდი ლარით შემცირება და აღნიშნული თანხის ეკონომიკისკენ მიმართვა. ინფორმაციის თავისუფლების განვითარების ინსტიტუტმა სამინისტროებსა და სსიპ-ებში ხელშეკრულებით დასაქმების პრაქტიკის შესახებ კვლევა გამოაქვეყნა. „აი დი ეფ აი“-აში აცხადებენ, რომ კვლევის შედეგებით, ბოლო წლებში საჯარო სამსახურში გატარებული რეფორმების მიუხედავად, ბიუროკრატიული აპარატის მნიშვნელოვან გამოწვევად კვლავ რჩება საჯარო დაწესებულებებში თანამშრომლების ხელშეკრულებით დასაქმების არსებული პრაქტიკა. 2019 წელს სახელმწიფო ბიუჯეტიდან შტატგარეშე მომუშავეთა ანაზღაურებაზე დახარჯული თანხა,  დაახლოებით 25 მილიონი ლარით აღემატება 2018 წლის, ხოლო 100 მილიონი ლარით აღემატება 2015 წლის მაჩვენებელს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.