იენს სტოლტენბერგმა სალომე ზურაბიშვილს არჩევნებში გამარჯვება მიულოცა

ნატო-ს გენერალურმა მდივანმა საქართველოს არჩეულ პრეზიდენტს არჩევნებში გამარჯვება მიულოცა. განცხადება ნატო-ს გენერალურმა მდივანმა ბრიუსელში გამართულ პრესკონფერენციაზე დასმულ კითხვაზე საპასუხოდ გააკეთა. მან ასევე ისაუბრა ბრიუსელში ხვალ დაგეგმილ ნატო-საქართველო-უკრაინის კომისიის ერთობლივ სხდომაზე. იენს სტოლტენბერგის თქმით, ნატო გააგრძელებს საქართველოს პოლიტიკურ და პრაქტიკულ მხარდაჭერას, იმ ფონზე, როდესაც საქართველოსაც და უკრაინასაც რუსეთიდან მომდინარე უსაფრთხოების სერიოზულ გამოწვევებთან უწევთ გამკლავება. შეგახსენებთ, ნატო-საქართველო-უკრაინის სხდომა ხვალ გაიმართება და მას საქართველოს საგარეო საქმეთა მინისტრი დაესწრება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.