სააკაშვილის საქმე - პრეზიდენტის გადაწყვეტილების მოლოდინში

სასამართლო პროცესების პარალელურად მიხეილ სააკაშვილის მხარდამჭერები პრეზიდენტის გადაწყვეტილებასაც ელოდებიან. სალომე ზურაბიშვილის გუშინდელმა განცხადებამ ექს-პრეზიდენტის გარემოცვას და თანაგუნდელებს იმედი მისცა, რომ ყოფილი პრეზიდენტის მიმართ შეწყალების მექანიზმი გამოყენებული იქნება. დღეს გაირკვა ისიც, რომ ნიკა მელია სალომე ზურაბიშვილს შეხვდა. „არა და არასდროს“ - უცნობია, გადახედავს თუ არა სახელმწიფოს მეთაური არაერთხელ გაცხადებულ ამ მკაფიო პოზიციას. ფაქტია, რომ ზურაბიშვილის ბოლომ ანუ გუშინდელი გზავნილი ასეთი კატეგორიული აღარ ყოფილა. თემის გარშემო პოლიტიკური ვნებათაღელვა განსაკუთრებით მას შემდეგ გამძაფრდა, რაც გუშინ „ნაციონალური მოძრაობის“ მმართველობის დროს დაზარალებული ადამიანები პრეზიდენტის ადმინისტრაციასთან სააკაშვილის არ შეწყალების მოთხოვნით მივიდნენ. აქციის მონაწილეებისადმი მიმართვას და მმართველი პარტიის მისამართით პრეზიდენტის ახალ მძიმე ბრალდებებს ორივე მხრიდან მწვავე რეაქციები მოჰყვა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.