რუსეთის საომარი მოქმედებები უკრაინაში

სამი თვის განმავლობაში მარიუპოლის გმირულად დაცვის შემდეგ „აზოველები“ „აზოვსტალიდან“ გაჰყავთ. სტრატეგიული მნიშვნელობის საპორტო ქალაქზე რუსეთის საოკუპაციო ძალებმა სრული კონტროლი დაამყარეს. ქარხანაში მყოფი დაჭრილი უკრაინელი მებრძოლების გაყვანის შემდეგ დანარჩენი სამხედროების ევაკუაცია მიმდინარეობს,  პროცესს უკრაინის პრეზიდენტი პირადად აკონტროლებს. ევაკუაციის გეგმაში გავლენიანი საერთაშორისო შუამავლების ჩართულობა დასტურდება. უკრაინელი სამხედროები რუსეთის მიერ კონტროლირებად ტერიტორიებზე მიჰყავთ, ამიტომ ოფიციალური კიევი ახლა ნომერ პირველ ამოცანად თითოეული სამხედროს სიცოცხლის შენარჩუნებას და უკრაინის კონტროლირებად ტერიტორიებზე მათ უვნებლად დაბრუნებას ასახელებს. მოლაპარაკებების რთულ პროცესზე და ევაკუაციაზე „მოამბესთან“ მარიუპოლის მერი საუბრობს. საპორტო ქალაქის დაკავების პარალელურად რუსეთის საოკუპაციო ძალები მთელ დონბასზე შეტევას განაგრძობენ. დაიბომბა ქალაქი დნეპრი.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.