დმიტრო კულებას ინტერვიუ CNN-თან

„რუსული ჯარების გადაჯგუფება ახლა იმის გამო ხდება, რომ ისინი ზეწოლას ვერ უძლებენ, რომელიც მიზნად ისახავს უკრაინის წინააღმდეგ შეტევის გაგრძელებას სამი ფრონტიდან“, - ამის შესახებ უკრაინის საგარეო საქმეთა მინისტრმა, დმიტრო კულებამ „სი-ენ-ენ“-თან ინტერვიუში განაცხადა. კულებას თქმით, ოფიციალური მოსკოვის გადაწყვეტილება, შეემცირებინა სამხედრო აქტივობა ორ ფრონტზე – კიევსა და ჩერნიგოვში, მიღებულია იმ დროს, როდესაც უკრაინულმა ძალებმა წარმატებით დაიწყეს მათი განდევნა პატარა ქალაქებიდან და სოფლებიდან. როგორც კულება ამბობს, ამის მიზეზი კი ის იყო, რომ რუსები ვერ უმკლავდებოდნენ ზეწოლას და ვერ აკავებდნენ ფრონტის ხაზს კიევის გარშემო. უკრაინელი დიპლომატის განცხადებით, ჯარების გაყვანა შეიძლება მიუთითებდეს, რომ რუსეთის პრეზიდენტი ვლადიმერ პუტინი საკუთარი სამხედრო სტრატეგიის მიმართ უფრო რეალისტური გახდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.