ლევან ვასაძის განცხადება და პოლიტიკური შეფასებები

ვერის ბაღში ლევან ვასაძის მიერ გაჟღერებულ გზავნილებს მწვავე რეაქციები მოჰყვა პოლიტიკურ სპექტრშიც. „თბილისი პრაიდის“ საწინააღმდეგოდ გამართულ გუშინდელ აქციაზე ბიზნესმენის მიმართვის მთავარი ადრესატი ამერიკის პრეზიდენტი იყო, რომელსაც ვასაძემ ფსევდომორალურ ღირებულებებთან და იმ გლობალისტებთან ბრძოლაში დახმარება სთხოვა, რომლებიც, მისივე აზრით, ამერიკის საელჩოში ჯერ კიდევ ტრამპის წინამორბედების დროს გამოჩნდნენ. გამოსვლის დროს ვასაძემ ნეგატიურ კონტექსტში ახსენა სხვა საელჩოების წარმომადგენლებიც. ქამრებით შეკვრა, ტუტუცები, წუნკლები - ასეთი ეპითეტები ისმოდა გამოსვლის დროს. მსგავს რიტორიკას და გამონათქვამებს ცალსახად ემიჯნება მთავრობა და პოლიტიკური სპექტრი. ოპოზიცია გუშინდელი აქციის დროს გაკეთებული განცხადებების მიღმა რუსულ კვალს, ქვეყნის პირველი დიპლომატი კი ბიზნესმენს ახსენებს, რომ საქართველოს ოკუპაციის პრობლემის გადაჭრა სწორედ ამერიკელ და ევროპელ პარტნიორებთან თანამშრომლობითაა შესაძლებელი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.