რუსთავი2-თბილისში და მის შემოგარენში ანალოგური მაუწყებლობა გაითიშა დღეს 10:00 საათზე

საქართველოში ციფრულ მაუწყებლობაზე გადასვლის პროცესი დღეს, პირველ ივლისს 10:00 საათზე დაიწყო. ანალოგური მაუწყებლობის სიგნალი თბილისსა და მის შემოგარენში გაითიშა, კერძოდ: საგარეჯოს რაიონი, რუსთავი, მარნეული, კოჯორი, მცხეთა და მიმდებარე ტერიტორია. ახალი ფორმატის მაუწყებლობაზე გადასვლა სახელმწიფო მნიშვნელობის ფართომასშტაბიან რეფორმას წარმოადგენს. ტელემაუწყებლობის გავრცელების და მიღების რეჟიმი, რომელიც დღეს მოქმედებს არსებითად იცვლება, რაც შეეხება როგორც ჩვენს მოსახლეობას, ასევე მაუწყებლებს. 2015 წლის 17 ივნისს „მაუწყებლობის შესახებ“ საქართველოს კანონში განხორციელებული ცვლილებეის თანახმად, სატელევიზიო მაუწყებლებისთვის უქმდება ლიცენზირების რეჟიმი და ტელეკომპანიები საქმიანობას მარტივი ავტორიზაციის გავლის გზით დაიწყებენ. საქართველოს კომუნიკაციების ეროვნული კომისიის მიერ ციფრული მაუწყებლობის უზრუნველსაყოფად უკვე გაცემული რადიოსიხშირული სპექტრი ქვეყანას აძლევს შესაძლებლობას ოცდაათზე მეტი სტანდარტული გარჩევადობის ახრი გავრცელდეს მთელი ქვეყნის მაშტაბით. ამას ემატება ადგილობრივი მაუწყებლების რესურსი, რომლებიც გარდა იმისა, რომ შეძლებენ თავად გავრცელდნენ, აქვთ შესაძლებლობა დამატებით სხვა მაუწყებლებიც გაავრცელონ.