სამარშუტო ტაქსების საფასური რუსთავში

რამდენიმედღიანი დავის შემდეგ რუსთავი-თბილისის მიმართულებით მგზავრობა ისევ ძველი ტარიფით იქნება შესაძლებელი. სპეციალურად შექმნილ დროებით კომისიას ახლა სამი კვირა აქვს იმისთვის, რომ საკითხი შეისწავლოს და მგზავრობის ფასი დაადგინოს. სწორედ მის დასკვნაზე იქნება დამოკიდებული, რა ეღირება მომავალში რუსთავიდან თბილისში და პირიქით მგზავრობა. ამ გადაწყვეტილებით დასრულდა რუსთავის საკრებულოში ხმაურიანი სხდომა, რომელსაც პროცესში ჩართული ყველა მხარე ესწრებოდა. თემა აქტუალური მას შემდეგ გახდა, რაც ავტონაწილებზე ფასების მატების გამო სამარშრუტო ტაქსების მძღოლებმა მგზავრობის ფასი 1 ლარიდან და 50 თეთრიდან ორ ლარამდე გაზარდეს. არ არის გამორიცხული, რომ ადგილობრივმა თვითმმართველობამ მომავალში რუსთავი-თბილისის მიმართულებით ალტერნატიული სატრანსპორტო ხაზების ამოქმედებაზე დაიწყოს ფიქრი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.