„ნაციონალური მოძრობა“ აჭარის უმაღლეს საბჭოში შევიდა

03.06.2021 01:59

პირველი არხი Georgian Public Broadcaster

არხი

არჩევიდან შვიდი თვის შემდეგ აჭარის უმაღლეს საბჭოში „ნაციონალური მოძრობის“ დეპუტაცია შევიდა. ექვსი დეპუტატი დღეს პირველად რიგგარეშე სხდომაზე მივიდა, სადაც აჭარის ფინანსთა და ეკონომიკის მინისტრს, ჯაბა ფუტკარაძეს უსმენენ. სხდომის დაწყებისთანავე „ნაციონალური მოძრაობის“ დეპუტატმა ელგუჯა ბაგრატიონმა განცხადების გაკეთება ითხოვა, თუმცა რიგგარეშე სხდომის რეგლამენტიდან გამომდინარე, უმაღლესი საბჭოს თავმჯდომარემ მას ამის საშუალება არ მისცა. აჭარის უმაღლეს საბჭოში 21-დან 14 მანდატი „ქართულმა ოცნებამ“, შვიდი კი, „ნაციონალურმა მოძრაობამ“ მოიპოვა. „ნაციონალური მოძრაობის“ სიით გასულმა დეპუტატმა ირაკლი ჩავლეიშვილმა ბოიკოტზე უარი თქვა და უმაღლეს საბჭოში რამდენიმე თვის წინ შევიდა. ექვსმა დეპუტატმა კი, საკანონმდებლო ორგანოში შესვლაზე გადაწყვეტილება მხოლოდ ახლა მიიღო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: