„დილა პირველზე“, სრული ვიდეოვერსია, 13 მაისი, 2016

• პუბლიცისტისა და მწერლის, ლერი ალიმონაკის წიგნი ,,დრო და დრამები’’, ცოტა ხნის წინ გამოიცა. მასში შესულია 1965-2015 წლებში გამოქვეყნებული წერილები და ესეები ქართული ლიტერატურისა და საზოგადოებრივი ცხოვრების ტენდენციებზე. ახალი გამოცემის შესახებ ვრცლად, სალომე კიპაროიძე მოგიყვებათ. • 16–21 მაისს თბილისის მეორე საერთაშორისო ლიტერატურული ფესტივალი გაიმართება, რომელსაც მსოფლიოს 14 ქვეყნის მწერლები და ლიტერატორები დაესწრებიან. გადაცემის სტუმარი: დრამატურგი დათო გაბუნია. • გუდიაშვილის მოედანთან დაკავშირებით, თბილისის განვითარების ფონდმა, 25 თებერვალს საერთაშორისო არქიტექტურული კონკურსი გამოაცხადა, რამდენიმე დღის წინ კი, საუკეთესო პროექტების პრეზენტაცია მოეწყო. თემის დეტალებს თათია დარასელია არკვევდა. გადაცემის სტუმრები: თბილისის განვითარების ფონდის დირექტორი, გიორგი ბაიდარაშვილი; კონკურსში გამარჯვებული, "ატელიერ არქიტექტსის" წარმომადგენელი, რატი ჩომახიძე. • თუ გსურთ მუცლის კუნთები ტონუსში მოიყვანოთ, სისტემატურად უნდა ივარჯიშოთ. არსებობს მუცლის ზედა და ქვედა პრესის ვარჯიშები, რომლებიც სახლის პირობებშიც მარტივად შეგიძლია გააკეთოთ. თამუნა მუსერიძის რეკომენდაციები. • პროექტი #სიტყვა : მივიწყებულ ძველ ქართულ #სიტყვას, მუსიკოსი ნინო ჟვანია გვახსენებს. • ლევან ჯობავას რუბრიკა #რაგბი აქაურობას გრძელდება! ის ამჯერად პანკისის სოფელ საკობიანოში ჩავიდა და ადგილობრივ მოზარდებს გაუზიარა რაგბის თამაშის წესები.