„დილა პირველზე“, სრული ვიდეოვერსია, 17 მაისი, 2016

• თბილისის ოპერის სოლისტი სალომე ჯიქია ვარშავიდან დაბრუნდა, სადაც როსინის ფესტივალში მიიღო მონაწილეობა და პირველი პრემია აიღო. გადაცემის სტუმარი: სალომე ჯიქია. • 21 მაისს, ჯანსუღ კახიძის სახელობის მე-2 საერთაშორისო მუსიკალური ფესტივალის ფარგლებში გაიმართება კონცერტი: ივან ლინსი და მეგობრები. გადაცემის სტუმარი: კომპოზიტორი და დირიჟორი ვახტანგ კახიძე. • გადაცემის ,,დილა პირველზე’’ სოციალური პროექტი ‪#‎სიტყვა‬, რომელიც მივიწყებული ქართული სიტყვების გახსენებას ისახავდა მიზნად, დასრულდა. პროექტის დასკვნითი დღე ფლი მარკეტზე გაიმართა და აქციის შედეგად აღმოჩენილი სიტყვები გამოიფინა. თემის შესახებ ვრცლად, თათია დარასელია მოგიყვებათ. • სიტყვა ერთ-ერთი ყველაზე მძლავრი იარაღია, რომელსაც თითქმის ყველა ადამიანის ცხოვრებაში მნიშვნელოვანი ადგილი უჭირავს. რა ვიცით პოზიტიური თუ ნეგატიური მნიშვნელობის სიტყვების გავლენაზე? თემით თამთა ჯინჯოლავა დაინტერესდა. • ამერიკელი გენეტიკოსი ბრუს ლიპტონი დარწმუნებულია, რომ რწმენისა და გონების ძალით ყველა დაავადების განკურნებაა შესაძლებელი. მისმა გამოკვლევებმა აჩვენა, რომ სწორად მიმართული ფსიქიკა და აზრები დიდ ცვლილებებს იწვევს. დეტალებს სალომე გელაშვილის სიუჟეტიდან გაიგებთ • ფოტოფესტივალის ,,ქოლგა’’ ფარგლებში, 13 ფოტოგრაფის მონაწილეობით გამოფენა "კალეიდოსკოპი 2’’ გაიმართა. ყველა ფოტომ, სოფლის მეურნეობის სამინისტროს ყოფილ შენობაში მოიყარა თავი. ექსპოზიციაზე სალომე კიპაროიძე იმყოფებოდა.