„დილა პირველზე“, სრული ვიდეოვერსია, პირველი აპრილი, 2016

• 2015 წლის სასკოლო სპორტულ ოლიმპიადაში გამარჯვებული სკოლების გუნდები, საერთაშორისო სასკოლო ჩემპიონატებზე საასპარეზოდ 4 სხვადასხვა ქვეყანაში მიემგზავრებიან. გადაცემის სტუმრები: სპორტისა და ახალგაზრდობის საქმეთა მინისტრი, ტარიელ ხეჩიკაშვილი; ბავშვთა და მოსწავლე-ახალგაზრდობის სპორტის ფედერაციის პრეზიდენტი, ლევან კიკალიშვილი და ბავშვთა და მოსწავლე-ახალგაზრდობის სპორტის ფედერაციის ვიცე-პრეზიდენტი, დავით ილურიძე. • 2007 წელს, გაერო-ს მიერ მიღებული რეზოლუციით, 2 აპრილი აუტიზმის ცნობადობის გაზრდის დღედ გამოცხადდა. აუტიზმზე, როგორც მდგომარეობაზე, ამ მიმართულებით საზოგადოებაში არსებულ სტიგმაზე, აუტიზმის ცნობადობის ამაღლების მსოფლიო დღესთან დაკავშირებით დაგეგმილ ღონისძიებებსა და სხვა თემებზე, გადაცემის სტუმარი, ექიმ-ლაბორანტი მადონა გვათუა საუბრობს. • აუტიზმის ცნობადობის გაზრდა - რას ნიშნავს სტიგმისგან გათავისუფლება.- 11 წლის წარჩინებული მოზარდის ისტორია, თაკო ასათიანის სიუჟეტში. • სოფელი ზანავი, ბურთაობა სკოლის ეზოში დიდი ინტერესი რაგბის მიმართ ,- ლევან ჯობავას რუბრიკა #‎რაგბიაქაურობას, სამცხე-ჯავახეთიდან. • 2 აპრილს, 14:00 საათზე, საბავშვო წიგნის საერთაშორისო დღესთან დაკავშირებით, საჯარო ბიბლიოთეკის საგამოფენო დარბაზში, მარიამ წიკლაურის წიგნის - ,,მხიარული რეცეპტები’’ პრეზენტაცია გაიმართება. ლიკა მოშიაშვილი თემის დეტალებით. • 4 აპრილს, ოპერისა და ბალეტის სახელმწიფო თეატრში, აუტიზმის ცნობადობის ამაღლების მსოფლიო დღისადმი მიძღვნილი საქველმოქმედო კონცერტი გაიმართება. ღონისძიებიდან შემოსული თანხა, მთლიანად, აუტისტური სპექტრის აშლილობის მქონე მოზარდებისთვის სასწავლო-სარეაბილიტაციო ცენტრის მშენებლობას მოხმარდება. გადაცემის სტუმრები: კონცერტის ორგანიზატორი, თათია მელაშვილი და ქართველი სოპრანო, თამარ ივერი. • სიმაღლეში ზრდის ვარჯიშები, - თამუნა მუსერიძის რუბრიკა.