„არა ბეტონის ჯუნგლებს“

„არა ბეტონის ჯუნგლებს,“ - ამ ლოზუნგით, მრავალსართულიანი კორპუსების მშენებლობის წინააღმდეგ საპროტესტო აქცია გაიმართა დღეს ყოფილ იპოდრომთან. მოქალაქეები ამბობენ, რომ ტერიტორია უკვე კერძო საკუთრებაშია, ამიტომ ისინი მიმართავენ მერიას, ალტერნატიული ფართით დააკმაყოფილოს ის პირები, ვინც აქ მშენებარე ბინები უკვე შეისყიდა. ადგილობრივები ასევე ითხოვენ, სადავო ტერიტორია სიმბოლურ ფასად, ერთ ლარად გადაეცეთ და შენარჩუნდეს მწვანე საფარი. ადგილობრივ მოსახლეობას დღეს არასამთავრობო ორგანიზაციების ნაწილიც შეუერთდა. მერიაში კი აცხადებენ, რომ ტერიტორია კერძო საკუთრებაა. არქიტექტურის სამსახურის ოფიციალურ დოკუმენტაციაზე დაყრდნობით, ირკვევა, რომ აღნიშნული ტერიტორია 2011 წელს კერძო პირზე გასხვისდა, სამშენებლო ნებართვა კი 2014 წელს გაიცა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.