შემთხვევა რიკოთის უღელტეხილზე

რიკოთის უღელტეხილზე არსებულ საამქროში მუშა დაიღუპა. თვითმხილველების ინფორმაციით, ჩინური კომპანია „სინო ჰიდროს“ საამქროში ხიდის ბეტონის კონსტრუქციის ყალიბი წაიქცა, რის შედეგადაც ადგილზე დაიღუპა ერთი ადამიანი, ერთი პირი კი, რომელიც შემთხვევის შედეგად დაშავდა, ხაშურის გორმედის საავადმყოფოში გადაიყვანეს. გარდაცვლილი ჩინეთის, დაშავებული კი 19 წლის ახალგაზრდა საქართველოს მოქალაქეა. იყო თუ არა ადგილზე დარღვეული უსაფრთხოების ნორმები - ამაზე მოკვლევა მიმდინარეობს. გამოძიება სისხლის სამართლის კოდექსის 240-ე მუხლის მე-2 ნაწილით დაიწყო, რაც სამთო, სამშენებლო ან სხვა სამუშაოების წარმოებისას უსაფრთხოების წესების დარღვევას გულისხმობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.