ჯანდაცვის სექტორს 60 ათასამდე კოვიდინფიცირებულის მართვა უწევს

ჯანდაცვის სექტორს 60 ათასამდე კოვიდინფიცირებულის მართვა უწევს. ყოველდღიურად იზრდება მძიმე პაციენტების რაოდენობა. ამ დროისთვის ვირუსული გართულებებით 1 547 მოქალაქე გვყავს, მათგან 336-ს ხელოვნური სუნთქვის აპარატი სჭირდება. ბოლო 24 საათში ქვეყანაში კიდევ 48 ადამიანი გარდაიცვალა, ვირუსი დაუდასტურდა 3 803 პირს. მონაცემები გუშინდელთან შედარებით შემცირებულია, თუმცა, სპეციალისტები დამშვიდების საფუძველს ვერ ხედავენ. დადებითობის დღიური მაჩვენებელი 11,3%-ით განისაზღვრა, რაც საკმაოდ მაღალი ნიშნულია. დღეს აღრიცხული ფაქტებიდან თბილისში გამოვლენილია 1 425 შემთხვევა, შემდეგია აჭარა 598 ახალი ინფიცირებულით, იმერეთი - 506, 327-ია კახეთში, სამეგრელო-ზემო სვანეთში 246. მასობრივი იმუნიზაციის გარეშე, მედიკოსები სიტუაციის გაუარესებას პროგნოზირებენ. 22 აგვისტოს მონაცემებით, სულ ჩატარებულია 962 165 აცრა. სრულად ვაქცინირებულია 286 187 ადამიანი – რაც მოზრდილი მოსახლეობის მხოლოდ 10%-ია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.