საქართველოს ევროპის სცენარი ემუქრება / ბიზნესის მოსალოდნელი შეზღუდვები #მოამბე 21 საათზე #LIVE

• ქვეყანაში ეპიდვითარება დღითი დღე რთულდება - ინფიცირების დღიური მაჩვენებელი 4 000-ს მიუახლოვდა; სპეციალისტთა პროგნოზით საქართველოს ევროპის სცენარი ემუქრება; ჰოსპიტალური სექტორი უმძიმესი გამოწვევის წინაშე დგას - საწოლფონდი კრიტიკულ მდგომარეობაშია; • როგორ აპირებს ქვეყანა ეპიდემიის უკონტროლო გავრცელების შეჩერებას, რა რესურსები აქვს ჯანდაცვის სისტემას და არის თუ არა შექმნილი ვითარებიდან გამოსავალი ე.წ ლოქდაუნი - „დღის თემის“ შეკითხვებს მინისტრის მოადგილე, თამარ გაბუნია და ჯანდაცვის სპეციალისტები უპასუხებენ; • სავაჭრო ცენტრებს, ბაზრობებსა და მსხვილ ქსელურ მაღაზიებს შესაძლოა, საქმიანობა დროის გარკვეულ მონაკვეთებში შეეზღუდოს - მთავრობა ბიზნესთან კონსულტაციებს მართავს; ქვეყანაში სამუშაო ადგილების შენარჩუნების მიზნით ე.წ. ლოქდაუნი არ იგეგმება; კონკრეტული შეზღუდვები მიმდინარე კვირაში გამოცხადდება; • ევროპასა და აშშ-ში ეპიდემიის მეორე ტალღა მძვინვარებს - მსოფლიო მასშტაბით პანდემიამ დღემდე 1.3 მილიონამდე ადამიანის სიცოცხლე იმსხვერპლა, ინფიცირებულთა რაოდენობა კი 60 მილიონს უახლოვდება; ევროპის ქვეყნები სრულ კარანტინს მიმართავენ, რიგი ქვეყნები კი ნაწილობრივი კარანტინის მომხრეა; • საერთაშორისო პარტნიორთა ღია გზავნილები ქართულ ოპოზიციას და ოპოზიციის პასუხი - ევროპა პოლიტიკურ ძალებს პარლამენტში შესვლისკენ და მანდატების გამოყენებისკენ მოუწოდებს, თუმცა დასავლური გზავნილები ამ დრომდე გზავნილებად რჩება; მოლაპარაკებების პარალელურად, ოპოზიცია კვლავ ბოიკოტის რეჟიმშია და ხელახალ, ან რიგგარეშე არჩევნებს ითხოვს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.