ზუგდიდელი მღვდელი, რომელიც სოფელ დავითიანის მთავარანგელოზთა სახელობის ტაძარში წირავს, სმენადაქვეითებულ ადამიანებთან კომუნიკაციის დასამყარებლად ჟესტურ ენას სწავლობს.
მამა ლაზარე (ჯიქია) ყვება, რომ ჟესტურ ენას ნახევარი წელია ეუფლება და ამ დროისთვის უკვე იცის „მამაო ჩვენო“ და სხვა მოკლე ლოცვები.
„თბილისში, სამების კარიბჭის ტაძარში მამა გიორგი კალანდიას წირვას დავესწარი და პირველად იქ ვნახე ჟესტურ ენაზე მსახურება. დავინტერესდი ამ თემით, შემდეგ მამა გიორგიმაც მირჩია მესწავლა და დავიწყე ამაზე ფიქრი, თუმცა მაშინ გარკვეული მიზეზების გამო, ეს ვერ შევძელი. ახლა, მეუფე გერასიმეს ლოცვა-კურთხევით, 6 თვის წინ დავიწყე ჟესტური ენის სწავლა და ეს მიხარია ძალიან, რადგან საჭიროა ამ ხალხმა გაიგოს რა არის ქრისტე, რა არის ქრისტიანობა, რწმენა, აღდგომა და სხვა დღესასწაულები“, - თქვა მამა ლაზარემ.
თვლის, რომ ჟესტური ენის შესწავლა, ისე რომ მსახურება შეძლო, რთულია, თუმცა იმედი აქვს, რომ მამა გიორგის და სხვა კეთილი ადამიანების დახმარებით, ამას მალე შეძლებს.
„ყველაზე უმთავრესი ამ ყველაფერში ის არის, რომ ეს ხალხი უნდა გახდეს მაზიარებლები ქრისტეს სისხლის და ხორცის. სმენადაქვეითებულმა ადამიანმა უნდა შეძლოს აღსარების ჩაბარება, რის შემდეგ ეზიარებიან და გახდებიან მრევლი. უფლის ნებით და წყალობით ამას მალე შევძლებთ“, - ამბობს სასულიერო პირი.
წირვაზე დასასწრებად და მამა ლაზარესთან სასაუბროდ ზუგდიდიდან სოფელ დავითიანში სმენადაქვეითებულები თითქმის ყოველ კვირა დღეს დადიან. უხარიათ, რომ მოძღვარს მათი გაგება შეუძლია, ჟესტური ენის ათვისებაში თავადაც ეხმარებიან და ამით ბედნიერები არიან.
„უპირველეს ყოვლისა, მინდა მამაოს მადლობა გადავუხადო კეთილი სურვილისთვის, რომ ჩვენ მოგვეცა შესაძლებლობა მოგვესმინა წირვები, ქადაგება, დისკომფორტისა და სირცხვილის გარეშე დავსწრებოდით წირვებს. ახლა ბედნიერები ვართ ძალიან, რომ შესაძლებლობა მოგვეცა ზუგდიდში, მამა ლაზარეს მეოხებით მოვისმინოთ, გავიგოთ და შევისწავლოთ ქრისტიანული სარწმუნოება“, - ამბობს გულნაზი კალანდია.
კიდევ ერთი სმენადაქვეითებულის თინათინ გიორგაძის თქმით, საქართველოში მხოლოდ მამა გიორგი კალანდია წირავს ჟესტურ ენაზე, თუმცა ისინი თბილისში შორი მანძილისა და მგაზვრობასთან დაკავშირებული ხარჯების გამო ვერ ჩადიან.
„მოხარული ვარ, რომ მსგავსი პრეცენდენტის მომსწრე ვარ. ყოველ ორშაბათს მამაო ჩვენთან მოდის კლუბში, სადაც ვიკრიბებით უსინათლოები და სმენადაქვეითებულები. ჩვენ მას ვეხმარებით დაქტილური ანბანის სწავლაში“, - აღნიშნა თინათინ გიორგაძე.
ზუგდიდის „ყრუთა კავშირის“ მონაცემებით, მუნიციპალიტეტში 100-ზე მეტი სმენადაქვეითებული ადამიანი ცხოვრობს. მათთან კლუბში კი 65 ადამიანი არის გაწევრიანებული.
რადიო „ათინათი“ გუკა ბაძღუას სურდო თარგმანისთვის მადლობას უხდის.
რადიო \"ათინათი\"
Website: http://radioatinati.ge/
Facebook: https://www.facebook.com/Rado.ATINATI
Twitter: https://twitter.com/Atinati1059
Instagram: https://www.instagram.com/radioatinat...
მამა ლაზარე (ჯიქია) ყვება, რომ ჟესტურ ენას ნახევარი წელია ეუფლება და ამ დროისთვის უკვე იცის „მამაო ჩვენო“ და სხვა მოკლე ლოცვები.
„თბილისში, სამების კარიბჭის ტაძარში მამა გიორგი კალანდიას წირვას დავესწარი და პირველად იქ ვნახე ჟესტურ ენაზე მსახურება. დავინტერესდი ამ თემით, შემდეგ მამა გიორგიმაც მირჩია მესწავლა და დავიწყე ამაზე ფიქრი, თუმცა მაშინ გარკვეული მიზეზების გამო, ეს ვერ შევძელი. ახლა, მეუფე გერასიმეს ლოცვა-კურთხევით, 6 თვის წინ დავიწყე ჟესტური ენის სწავლა და ეს მიხარია ძალიან, რადგან საჭიროა ამ ხალხმა გაიგოს რა არის ქრისტე, რა არის ქრისტიანობა, რწმენა, აღდგომა და სხვა დღესასწაულები“, - თქვა მამა ლაზარემ.
თვლის, რომ ჟესტური ენის შესწავლა, ისე რომ მსახურება შეძლო, რთულია, თუმცა იმედი აქვს, რომ მამა გიორგის და სხვა კეთილი ადამიანების დახმარებით, ამას მალე შეძლებს.
„ყველაზე უმთავრესი ამ ყველაფერში ის არის, რომ ეს ხალხი უნდა გახდეს მაზიარებლები ქრისტეს სისხლის და ხორცის. სმენადაქვეითებულმა ადამიანმა უნდა შეძლოს აღსარების ჩაბარება, რის შემდეგ ეზიარებიან და გახდებიან მრევლი. უფლის ნებით და წყალობით ამას მალე შევძლებთ“, - ამბობს სასულიერო პირი.
წირვაზე დასასწრებად და მამა ლაზარესთან სასაუბროდ ზუგდიდიდან სოფელ დავითიანში სმენადაქვეითებულები თითქმის ყოველ კვირა დღეს დადიან. უხარიათ, რომ მოძღვარს მათი გაგება შეუძლია, ჟესტური ენის ათვისებაში თავადაც ეხმარებიან და ამით ბედნიერები არიან.
„უპირველეს ყოვლისა, მინდა მამაოს მადლობა გადავუხადო კეთილი სურვილისთვის, რომ ჩვენ მოგვეცა შესაძლებლობა მოგვესმინა წირვები, ქადაგება, დისკომფორტისა და სირცხვილის გარეშე დავსწრებოდით წირვებს. ახლა ბედნიერები ვართ ძალიან, რომ შესაძლებლობა მოგვეცა ზუგდიდში, მამა ლაზარეს მეოხებით მოვისმინოთ, გავიგოთ და შევისწავლოთ ქრისტიანული სარწმუნოება“, - ამბობს გულნაზი კალანდია.
კიდევ ერთი სმენადაქვეითებულის თინათინ გიორგაძის თქმით, საქართველოში მხოლოდ მამა გიორგი კალანდია წირავს ჟესტურ ენაზე, თუმცა ისინი თბილისში შორი მანძილისა და მგაზვრობასთან დაკავშირებული ხარჯების გამო ვერ ჩადიან.
„მოხარული ვარ, რომ მსგავსი პრეცენდენტის მომსწრე ვარ. ყოველ ორშაბათს მამაო ჩვენთან მოდის კლუბში, სადაც ვიკრიბებით უსინათლოები და სმენადაქვეითებულები. ჩვენ მას ვეხმარებით დაქტილური ანბანის სწავლაში“, - აღნიშნა თინათინ გიორგაძე.
ზუგდიდის „ყრუთა კავშირის“ მონაცემებით, მუნიციპალიტეტში 100-ზე მეტი სმენადაქვეითებული ადამიანი ცხოვრობს. მათთან კლუბში კი 65 ადამიანი არის გაწევრიანებული.
რადიო „ათინათი“ გუკა ბაძღუას სურდო თარგმანისთვის მადლობას უხდის.
რადიო \"ათინათი\"
Website: http://radioatinati.ge/
Facebook: https://www.facebook.com/Rado.ATINATI
Twitter: https://twitter.com/Atinati1059
Instagram: https://www.instagram.com/radioatinat...
