კორონავირუსის საინკუბაციო პერიოდი, სავარაუდოდ, გაზრდილია

კორონავირუსის საინკუბაციო პერიოდი, სავარაუდოდ, გაზრდილია და 14 დღეს სცილდება. ამის შესახებ ჩინეთში ჰუბეის პროვინციის ადგილობრივი ხელისუფლება იუწყება. ხელისუფლების განცხადებით, 70 წლის მამაკაცი კორონავირუსით დაინფიცირდა, თუმცა სიმპტომები მხოლოდ 27 დღის გასვლის შემდეგ გამოუვლინდა. ეს კი იმას ნიშნავს, რომ ახალი კორონავირუსის საინკუბაციო პერიოდი, შესაძლოა, იმაზე გაცილებით მეტი იყოს, ვიდრე აქამდე ექიმებს ეგონათ. ამ ინფორმაციიდან გამომდინარე, საერთაშორისო მასშტაბით კორონავირუსის გავრცელების შეჩერება, შესაძლოა, კიდევ უფრო გართულდეს. ამ დროისთვის არსებული მონაცემებით, ახალი კორონავირუსით სულ 77 662 ადამიანია ინფიცირებული. დაღუპულთა რაოდენობა 2 360-ია. ცოტა ხნის წინ გაირკვა, რომ იტალიაში კორონავირუსით კიდევ ერთი ადამიანი დაიღუპა. აღნიშნულ ქვეყანაში ეს უკვე მეორე ფატალური შემთხვევაა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.