საქართველომ რუსეთს სასამართლო დავა მოუგო - შეფასებები

ნატოს გენერალურმა მდივანმა საქართველოზე დღევანდელი გამოსვლა სტრასბურგის ისტორიული გადაწყვეტილებით დაიწყო. მოწოდებები ბრიუსელიდან მოსკოვის მისამართით კიდევ უფრო გაძლიერდა. ადამიანის უფლებათა ევროპულ სასამართლოში საქართველოს მიერ რუსეთთან მოგებული დავა რომ დეოკუპაციის გზაზე საქართველოს სამართლებრივ პოზიციებს აძლიერებს, ამაზე ყველა მხარე თანხმდება. 21 იანვრის გადაწყვეტილებას წინ მძიმე წლები და ურთულესი სამუშაოები უძღოდა. იუსტიციის უკვე ყოფილი მინისტრი, თეა წულუკიანი დღეს იმ სირთულეებს იხსენებს, რომელიც 2008 წლის ომის მერე დაკარგული მტკიცებულებების მოძიების პროცესს უკავშირდებოდა. იმის მიუხედავად, რომ 12-წლიანი დავის წარმატებული დასასრული ქვეყნის გამარჯვებაა, სტრასბურგის გადაწყვეტილება მაინც იქცა პოლიტიკურ ჭრილში განხილვის თემად. ყოფილი ხელისუფლების წარმომადგენელთა ნაწილმა ისტორიული ფაქტი დღევანდელი ხელისუფლების კრიტიკისთვის გამოიყენა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.