„ქართული ოცნების“ წარმომადგენლებმა საარჩევნო პლაკატების ჩამოხსნა დაიწყო

პარტია „ქართული ოცნება დემოკრატიული საქართველოს“ ბოლნისის წარმომადგნელებმა დასუფთავების მასშტაბური აქცია მოაწყვეს. ისინი ქალაქის ტერიტორიას საარჩევნო-სააგიტაციო პლაკატებისგან ასუფთავებენ. აქცია ქალაქის შემოსასვლელიდან დაიწყო და რამდენიმე დღეში მთელი მუნიციპალიტეტი გაიწმინდება. აქციაში მონაწილეობა მიიღეს ბოლნისის მუნიციპალიტეტის გამგებელმა და მაჟორიტარმა დეპუტატმა. პარტიის წევრებმა წინასაარჩევნო პლაკატებისგან ბოძები, სკვერები და შენობები გაასუფთავეს. საქართველოს კანონმდებლობით ყველა პოლიტიკური სუბიექტი ვალდებულია არჩევნების შედეგების ოფიციალურად გამოცხადებიდან 15 დღის ვადაში უზრუნველყოს საარჩევნო სააგიტაციო მასალების ჩამოხსნა. კოდექსის შეუსრულებლობა იწვევს კანონმდებლობით დადგენილ პასუხისმგებლობას. მიუხედავად ამისა, სხვა პოლიტიკური სუბიექტები როდის დაიწყებენ სააგიტაციო მასალის ჩამოხსნას, უცნობია. მათ ბოლნისის ზედამხედველობის სამსახურის მიერ გაფრთხილებები რამდენიმე დღის წინ დაეგზავნათ. ჩვენი ოფიციალური არხი Myvideo.ge-ზე : https://goo.gl/xyGXml ეს ვიდეო Myvideo.ge-ზე : https://goo.gl/rB5gvC