ძიუდოს სკოლა დავით ნავერიანის სახელობის ტურნირს მასპინლობს

ბოლნისის მუნიციპალიტეტის ძიუდოს სკოლა დავით ნავერიანის სახელობის ტურნირს მასპინძლობს. საერთაშორისო ტურნირი ძიუდოში ჭაბუკთა შორის მეორე წელია ტარდება. ორდღიან ტურნირში საქართველოს მაშტაბით ყველა მუნიციპალიტეტია ჩართული, მონაწილეობენ სომხეთისა და ესტონეთის ნაკრები გუნდები და იასპარეზებენ სპოტსმენები ჩვიდმეტ სხვადასხვა წონით კატეგორიაში. გამარჯვებულები შესაბამისი ხარის ხის მედლებითა და სიგელებით დაჯილდოვდებიან, ჩემპიონს კი დავით ნავერიანის სახელობის თასი გადაეცემა. ტურნირის გახსნას დამსახურებულ სპორტსმენებთან ლევან თედიაშვილთან და ოთარ ყაჭეიშვილთან ერთად, თვალყურს ადევნებდა ქვემო ქართლის რწმუნებულ-გუბერნატორი. დავით ნავერიანი იყო მრავალგზის ჩემპიონი და პრიზიორი ძიუდოში, სამბოსა და ქართულ ჭიდაობაში, მას დიდი წვლილი მიუძღვის ბოლნისში ძიუდოს განვითარებაში, იყო სპორტულ-გამაჯანსაღებელი კომპლექსის ხელმძღვანელი, იგი რამდენიმე წლის წინ გარდაიცვალა. დავით ნავერიანის ხსოვნისადმი მიძღვნილი ტურნირი ძიუდოს ფედერაციის კალენდარშია შესული და ტრადიციულად ყოველწელს ტარდება. ჩვენი ოფიციალური არხი Myvideo.ge-ზე : http://goo.gl/xyGXml ეს ვიდეო Myvideo.ge-ზე : http://goo.gl/PCXzWQ