რუსთავში თავისუფალი ინდუსტრიული ზონების შესახებ იმსჯელეს

➡️25 მაისს, რუსთავში, საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის გასვლითი სხდომა გაიმართა, სადაც თავისუფალი ინდუსტრიული ზონების განვითარების მდგომარეობის შესახებ იმსჯელეს. ➡️შეხვედრას საქართველოს პარლამენტის და აღმასრულებელი ხელისუფლების წარმომადგენლებთან ერთად, ქვემო ქართლის გუბერნატორი, გრიგოლ ნემსაძე, რუსთავის მერი, ირაკლი ტაბაღუა და ადგილობრივი ხელისუფლების სხვა წარმომადგენლები დაესწრნენ. ➡️სხდომის მიმდინარეობისას ყურადღება გამახვილდა საქართველოს ინდუსტრიული პოლიტიკის განხორციელების ძირითად მიმართულებებსა და სახელმწიფო მხარდაჭერის მექანიზმებზე. ➡️საუბარი შეეხო, აგრეთვე, თავისუფალი ინდუსტრიული ზონების საგადასახადო შეღავათებს, აღნიშნული მიმართულებით, სხვა ქვეყნებში არსებულ წარმატებულ პრაქტიკას და ინტეგრირებული განვითარების პრიორიტეტებს. ➡️შეხვედრის დასასრულს გაიმართა თემატური დისკუსია, რომლის ფარგლებშიც ცენტრალური და ადგილობრივი ხელისუფლების წარმომადგენლებთან ერთად, საკითხთან დაკავშირებით, საკუთარი პოზიცია დააფიქსირეს ბიზნეს სექტორის წარმომადგენლებმა. #ქვემოქართლი2018 #რუსთავი2018 #კომიტეტისსხდომა2018 #ეკონომიკა2018 #თიზები2018 #გუბერნატორი2018 #გრიგოლნემსაძე2018