პრემიერ-მინისტრმა მფრინავები და მაშველები დააჯილდოვა

11.07.2017 07:23

Giorgi Kvirikashvili

არხი

ჩვენ ვამაყობთ თითოეული თქვენგანით და საქართველო არის ერთიანი თქვენი უდიდესი გმირობის დაფასებაში. სულ რამდენიმე დღის წინ მთელმა ქვეყანამ იხილა თქვენი გმირობა და ყველა სუნთქვაშეკრული უყურებდა იმ მართლაც ძალიან სულისშემძვრელ, მაგრამ ამავე დროს საამაყო კადრებს, როდესაც მფრინავებმა, მაშველებთან ერთად, გადაარჩინეთ ადამიანების სიცოცხლე თქვენი საკუთარი სიცოცხლის რისკის ფასად. ასევე მთელმა ქვეყანამ ნახა, როდესაც სტიქიური უბედურების, შტორმის, წყალდიდობის თუ ხანძრის დროს, თქვენ, ჩვენმა მაშველებმა უამრავი ადამიანის სიცოცხლე გადაარჩინეთ და ეს ყველაფერი მოხდა ამ ბოლო მოკლე პერიოდში. ჩვენ ნამდვილად ვამაყობთ თითოეული თქვენგანით და უდიდეს მადლობას გიხდით მთელს ჩვენს საზოგადოებასთან ერთად. სასაზღვრო პოლიციის მფრინავების, მაშველებისა და მეხანძრეების სამსახურებრივი მოვალეობის სანიმუშო შესრულებისა და გამოჩენილი მამაცობისათვის დაჯილდოება ვრცლად იხილეთ: http://gov.ge/s/2d0e8

გაზიარება: