როგორ შეიქმნა საქართველოს ტერიტორიის დაკარგვის საფრთხე / მთიან ყარაბაღში ცეცხლი არ წყდება #LIVE

• საქართველოს ტერიტორიის დაკარგვის საფრთხის შექმნისთვის პროკურატურამ საზღვრის დამდგენი კომისიის ორი ყოფილი წევრი დააკავა - საქმე ეხება საქართველო-აზერბაიჯანის საზღვართან 3500 ჰექტარი მიწის ფართობს, რომელიც საქართველოს საზიანოდ 2007 წლის ჩათვლით შეთანხმდა; გამოძიება რამდენიმე ვერსიაზე მუშაობს, თუ რატომ მოხდა კომისიისთვის 1938 წლის რუკის დამალვა • საბრძოლო მოქმედებების მე-11 დღე და მოსახლეობისგან სანახევროდ დაცლილი მთიანი ყარაბაღი - მხარეებს შორის შეთანხმება აქამდე ვერ ხერხდება; სომხეთისა და აზერბაიჯანის ლიდერები კომპრომისის მისაღწევად საკუთარ პირობებს აყენებენ; ბაქოსა და ერევანს პერიოდულად სტუმრობენ თურქეთისა და რუსეთის უმაღლესი თანამდებობის პირები • წითელ ზონად გამოცხადებულ აჭარაში ეპიდემია უკან იხევს, დედაქალაქსა და იმერეთში კი სტატისტიკა კვლავ მზარდია - ქვეყნის ეპიდვითარება უწყებათაშორისი საკოორდინაციო საბჭოს სხდომაზე შეფასდა; პრემიერის განცხადებით, ქვეყანაში მასშტაბური შეზღუდვები არ დაწესდება და არჩევნების ჩატარებას საფრთხე არ ემუქრება • სპეციალისტთა პროგნოზით, ნოემბრიდან სეზონური გრიპის შემთხვევები მოიმატებს - მედიკოსები მოქალაქეებს უსაფრთხოების ნორმების დაცვისკენ მოუწოდებენ; საქართველოში სეზონური გრიპის საწინააღმდეგო ვაქცინის პირველი ნაწილი შაბათს შემოვა და ქვეყანაში ვაქცინის დეფიციტი არ შეიქმნება ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.