არასამთავრობო სექტორი ვენეციის კომისიას მიმართავს

კოალიცია დამოუკიდებელი და გამჭირვალე მართლმსაჯულებისთვის ვენეციის კომისიას წერილობით მოსაზრებებსა და შენიშვნებს უგზავნის. საქმე ეხება პარლამენტის თავმჯდომარის, ირაკლი კობახიძის ხელმძღვანელობით მომზადებულ კანონპროექტს უზენაეს სასამართლოში მოსამართლეების უვადოდ არჩევასთან დაკავშირებით. კოალიციაში მიაჩნიათ, რომ მმართველი გუნდის მიერ მომზადებული კანონპროექტი ვერ უზრუნველყოფს სასამართლო ხელისუფლების დამოუკიდებლობას. არასამთავრობო ორგანიზაციები ხუთ მნიშვნელოვან ასპექტზე ამახვილებენ ყურადღებას. მათ შორის არის მოსამართლეთა საკვალიფიკაციო გამოცდა. არასამთავრობო ორგანიზაციები აცხადებენ, რომ აღნიშნული ჩანაწერი კეტავს სასამართლო სისტემას და აძლიერებს ერთპიროვნულ მმართველობას. კოალიცია 39 არასამთავრობო ორგანიზაციისგან შედგება. მათ ვენეციის კომისიას საკუთარი წინადადებებიც გადაუგზავნეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.