COVID-19-ის გავრცელების მაჩვენებელი მსოფლიოში

რუსეთის დედაქალაქში ყოველდღიურად ინფიცირებულთა რაოდენობა 8000-ის ფარგლებში მერყეობს. ბოლო 24 საათში,  მოსკოვში ვირუსს 32 პაციენტი ემსხვერპლა. ეპიდემიის გავრცელების ტემპმა მოიმატა თურქეთში, სადაც ბოლო დღე-ღამეში 1200-ზე მეტი შემთხვევა გამოავლინეს. გარდაიცვალა 22 ადამიანი. მომხდარის გამო, თურქეთის პრეზიდენტმა აღიარა, რომ ხელისუფლებამ ვირუსის ხელახლა გავრცელების პრევენცია სათანადოდ ვერ შეძლო. ვირუსის შემთხვევები იმატებს აზერბაიჯანშიც, სადაც ბოლო 24 საათში 400-ზე მეტი ინფიცირებული გამოვლინდა. ამის გამო, ხელისუფლებამ ქვეყნის რვა დიდ ქალაქში და მათ შორის ბაქოშიც, ორი დღის მკაცრი კარანტინი გამოაცხადა, მოქალაქეებს სახლიდან გასვლა დღეში მხოლოდ 2 საათი შეეძლებათ. ხელახლა დაიხურება რესტორნები და სილამაზის სალონები. სომხეთშიც  ვითარება რთულია. ბოლო დღე-ღამეში ვირუსს ემსხვერპლა 19 ადამიანი. გამოვლინდა 560 ახალი შემთხვევა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.