სტიქიის სალიკვიდაციო ღონისძიებები მესტიაში

მესტიაში სტიქიის სალიკვიდაციო ღონისძიებები მიმდინარეობს. დღეს მესტიაში გარემოს დაცვისა და სოფლის მეურნეობის მინისტრი ლევან დავითაშვილი და პრემიერის მრჩეველი სოზარ სუბარი ჩავიდნენ. მათ ადგილობრივ ხელისუფლებასთან და სპეციალისტებთან ერთად, ვერტმფრენით დაათვალიერეს სამივე მყინვარი, საიდანაც, შესაძლოა, რაიმე საფრთხე არსებობდეს უხვი ნალექის ან ძლიერი სიცხის დროს. ადგილზე რჩებიან საგანგებო სიტუაციების მართვის სამსახურის თანამშრომლები და გარემოს დაცვის გეოლოგები. მათი განცხადებით, სტიქიის განმეორების რისკი ნაკლებია, მაგრამ ზუსტი დასკვნა კვლევის დასრულების შემდეგ დაიდება. ხელისუფლების წარმომადგენლები დღესვე სტიქიის ადგილზე იმყოფებოდნენ და „სვანეთი ჰიდროსა“ და წყალმომარაგების სისტემის წარმომადგენლებს და მაშველებს გაესაუბრნენ. ადგილზე მძიმე ტექნიკა მუშაობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.