სტიქიის სალიკვიდაციო სამუშაოები მესტიაში

მესტიის მუნიციპალიტეტის მერიის ინფორმაციით, დილიდან ლეხზირის ხეობაში მძიმე ტექნიკის შეყვანა იგეგმება, იწყება სტიქიის სალიკვიდაციო ღონისძიებები და მიმდებარე ტერიტორიის ნატანი მასალისგან გაწმენდა. ასევე მოხდება წყალმომარაგების მაგისტრალის მილსადენებზე არსებული დაზიანების დათვალიერება. სტიქიის შედეგებს ადგილზე გაეცნობიან ცენტრალური ხელისუფლების წარმომადგენლები. ასევე, იგეგმება შეხვედრა ადგილობრივ მოსახლეობასთან სტიქიის გამომწვევი მიზეზების განსახილველად. მერიაში განმარტავენ, რომ ნებისმიერ დაინტერესებულ პირს ექნება შესაძლებლობა, დაესწროს აღნიშნულ შეხვედრას. ამ დროისთვის, მდინარე მესტია-ჭალა კვლავ არასტაბილურად მოედინება, რაც გამოიხატება დროის მოკლე მონაკვეთში კალაპოტის ხშირი ცვლით. ამინდის პროგნოზის გათვალისწინებით, დღეს მესტიაში წვიმა მოსალოდნელი არ არის. უხვი ნალექის გამო, მყინვარ ლეხზირთან მდინარე დაგუბდა, რის შედეგადაც წყალი გადმოვიდა და „მესტიაჭალაჰესი ერთზე“ შენობა დატბორა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.