რუსეთის სარაკეტო იერიში უკრაინის ქალაქებზე


ომის დაწყების შემდეგ ერთ-ერთი ყველაზე მძიმე დღე უკრაინისთვის და დილიდან საჰაერო განგაშის სიგნალი ქვეყნის მთელ ტერიტორიაზე: დაიბომბა კიევი, ლვოვი, ჟიტომირი, ხმელნიცკი და კიდევ რამდენიმე ქალაქი. მსხვერპლია მშვიდობიან მოსახლეობაში. მხოლოდ დედაქალაქში 10-მდე ადამიანია დაღუპული. მასშტაბური სარაკეტო დარტყმების მთავარი სამიზნე საცხოვრებელი დასახლებები გახდა. მასირებული შეტევის შედეგად დაშავებულია ათეულობით მოქალაქე, განადგურებული ან დაზიანებულია სამოქალაქო ინფრასტრუქტურა. მთავარი მოთხოვნაა, რომ საჰაერო თავდასხმების ყოველწუთიერი საფრთხის გამო ადამიანებმა თავშესაფრები არ დატოვონ. ეს არის პასუხი ყირიმის ხიდის აფეთქებაზე, რასაც პუტინმა უკრაინის სპეც-სამსახურების მიერ მოწყობილი ტერორისტული აქტი უწოდა. რუსეთის პრეზიდენტი კიდევ უფრო მასშტაბური და მკაცრი ზომების მიღებით იმუქრება. საერთო ჯამში რუსეთიდან უკრაინის მიმართულებით 75 რაკეტა გაუშვეს. 

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.

ვიდეოები „პირველი არხი Georgian Public Broadcaster"-ისგან