შსს-ს არქივის, ჩეხეთის და სლოვენიის საელჩოების ერთობლივი გამოფენა გაიმართა
11/17/2014
შინაგან საქმეთა სამინისტრო-ის
მიერ
შსს-ს არქივის, ჩეხეთისა და სლოვენიის რესპუბლიკების საელჩოების ერთობლივი გამოფენა – „1989 წელი“ საქართველოს პარლამენტის ეროვნული ბიბლიოთეკის საგამოფენო დარბაზში გაიმართა. ღონისძიებას შინაგან საქმეთა სამინისტროს აკადემიის რექტორი ნუკრი გელაშვილი, შსს-ს არქივის დირექტორი ომარ თუშურაშვილი, შსს-ს სხვადასხვა დეპარტამენტის ხელმძღვანელები, სლოვენიის ელჩი რუდოლფ მიხალკა, ჩეხეთის საგარეო საქმეთა მინისტრის პირველი მოადგილე პეტრ დრულაკი, ჩეხეთის ელჩი საქართველოში ტომაშ პერნიცკი, საქართველოს პარლამენტის და დიპლომატიური კორპუსის წარმომადგენლები დაესწრნენ. გამოფენა 25 წლის წინ, 17 ნოემბერს ჩეხეთსა და სლოვენიაში განვითარებულ „ხავერდოვან რევოლუციად“ წოდებულ მოვლენებს მიეძღვნა. შსს-ს აკადემიის რექტორი ნუკრი გელაშვილი გამოფენის საზეიმო გახსნის ცერემონიაზე სიტყვით გამოვიდა. მან ქართველი, სლოვენი და ჩეხი ხალხების უახლეს ისტორიაში მომხდარ გარდამტეხ და ისტორიულ მოვლენებზე ისაუბრა.
შსს-ს არქივმა გამოფენაზე საქართველოში 1989 წლის 9 აპრილს განვითარებული მოვლენების ამსახველი ბანერები, ხოლო ჩეხეთის და სლოვენიის საელჩოებმა ამავე წლის 17 ნოემბერს პრაღაში მომხდარი საპროტესტო მოვლენების ამსახველი ბანერები წარმოადგინეს. 1989 პრაღაში კომუნისტური რეჟიმის წინააღმდეგ გამართული სტუდენტთა მშვიდობიანი დემონსტრაცია ძალის გამოყენებით დაშალეს, რაც, ისევე, როგორც 9 აპრილს საქართველოში, დემოკრატიული პროცესების დაწყების და დამოუკიდებლობის მოპოვების წინაპირობა გახდა. ამ მოვლენების ამსახველ ერთობლივ გამოფენაზე წარმოდგენილი მასალები მთლიანად სამი ქვეყნის საარქივო დოკუმენტებზე დაყრდნობით მომზადდა.
სიახლის სრულად სანახავად გადადით შემდეგ ლინკზე : http://goo.gl/nReriS
შსს-ს არქივმა გამოფენაზე საქართველოში 1989 წლის 9 აპრილს განვითარებული მოვლენების ამსახველი ბანერები, ხოლო ჩეხეთის და სლოვენიის საელჩოებმა ამავე წლის 17 ნოემბერს პრაღაში მომხდარი საპროტესტო მოვლენების ამსახველი ბანერები წარმოადგინეს. 1989 პრაღაში კომუნისტური რეჟიმის წინააღმდეგ გამართული სტუდენტთა მშვიდობიანი დემონსტრაცია ძალის გამოყენებით დაშალეს, რაც, ისევე, როგორც 9 აპრილს საქართველოში, დემოკრატიული პროცესების დაწყების და დამოუკიდებლობის მოპოვების წინაპირობა გახდა. ამ მოვლენების ამსახველ ერთობლივ გამოფენაზე წარმოდგენილი მასალები მთლიანად სამი ქვეყნის საარქივო დოკუმენტებზე დაყრდნობით მომზადდა.
სიახლის სრულად სანახავად გადადით შემდეგ ლინკზე : http://goo.gl/nReriS
